ਜੁੱਤੀ ਸਰੋਤ :
ਪੰਜਾਬੀ ਸਭਿਆਚਾਰ ਸ਼ਬਦਾਵਲੀ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।
ਜੁੱਤੀ (ਨਾਂ,ਇ) ਪੈਰੀਂ ਪਾਉਣ ਵਾਲਾ ਚਮੜੇ ਦਾ ਦੇਸੀ ਢਾਂਚਾ
ਲੇਖਕ : ਕਿਰਪਾਲ ਕਜ਼ਾਕ (ਪ੍ਰੋ.),
ਸਰੋਤ : ਪੰਜਾਬੀ ਸਭਿਆਚਾਰ ਸ਼ਬਦਾਵਲੀ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।, ਹੁਣ ਤੱਕ ਵੇਖਿਆ ਗਿਆ : 27005, ਪੰਜਾਬੀ ਪੀਡੀਆ ਤੇ ਪ੍ਰਕਾਸ਼ਤ ਮਿਤੀ : 2014-01-24, ਹਵਾਲੇ/ਟਿੱਪਣੀਆਂ: no
ਜੁੱਤੀ ਸਰੋਤ :
ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।
ਜੁੱਤੀ [ਨਾਂਇ] ਪੈਰਾਂ ਦੀ ਰੱਖਿਆ ਲਈ ਚੰਮ੍ਹ/ਕੱਪੜੇ ਜਾਂ ਪਲਾਸਟਕ ਦੀ ਪੈਰੀਂ ਪਾਉਣ ਵਾਲ਼ੀ ਚੀਜ਼, ਜੋੜਾ , ਪੌਲਾ , ਬੂਟ
ਲੇਖਕ : ਡਾ. ਜੋਗਾ ਸਿੰਘ (ਸੰਪ.),
ਸਰੋਤ : ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।, ਹੁਣ ਤੱਕ ਵੇਖਿਆ ਗਿਆ : 26999, ਪੰਜਾਬੀ ਪੀਡੀਆ ਤੇ ਪ੍ਰਕਾਸ਼ਤ ਮਿਤੀ : 2014-02-24, ਹਵਾਲੇ/ਟਿੱਪਣੀਆਂ: no
ਜੁੱਤੀ ਸਰੋਤ :
ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਭਾਸ਼ਾ ਵਿਭਾਗ ਪੰਜਾਬ ਪਟਿਆਲਾ।
ਜੁੱਤੀ. ਦੇਖੋ, ਜੂਤੀ.
ਲੇਖਕ : ਭਾਈ ਕਾਨ੍ਹ ਸਿੰਘ ਨਾਭਾ,
ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਭਾਸ਼ਾ ਵਿਭਾਗ ਪੰਜਾਬ ਪਟਿਆਲਾ।, ਹੁਣ ਤੱਕ ਵੇਖਿਆ ਗਿਆ : 26725, ਪੰਜਾਬੀ ਪੀਡੀਆ ਤੇ ਪ੍ਰਕਾਸ਼ਤ ਮਿਤੀ : 2014-12-30, ਹਵਾਲੇ/ਟਿੱਪਣੀਆਂ: no
ਜੁੱਤੀ ਸਰੋਤ :
ਪੰਜਾਬੀ ਕੋਸ਼ ਜਿਲਦ ਦੂਜੀ (ਖ ਤੋਂ ਵ)
ਜੁੱਤੀ, (ਜੁੱਤ (ਾ)+ਈ) \ ਇਸਤਰੀ ਲਿੰਗ : ਪੈਰਾਂ ਦੀ ਰੱਖਿਆ ਲਈ ਚੰਮ ਦੀ ਬਣੀ ਹੋਈ ਪੈਰੀਂ ਪਾਉਣ ਵਾਲੀ ਇੱਕ ਚੀਜ਼
–ਜੁੱਤਮ-ਜੁੱਤੀ, ਕਿਰਿਆ ਵਿਸ਼ੇਸ਼ਣ : ਛਿੱਤਰੋ-ਛਿੱਤਰੀ
–ਜੁੱਤੀਉ-ਜੁੱਤੀ ਹੋਣਾ, ਮੁਹਾਵਰਾ : ਆਪਸ ਵਿੱਚ ਜੁੱਤੀਆਂ ਨਾਲ ਲੜਨਾ, ਇੱਕ ਦੂਜੇ ਨੂੰ ਜੁੱਤੀਆਂ ਨਾਲ ਮਾਰਨਾ
–ਜੁੱਤੀ ਉਠਾਉਣਾ, ਮੁਹਾਵਰਾ : ਜੁੱਤੀ ਮਾਰਨ ਨੂੰ ਤਿਆਰ ਹੋਣਾ
–ਜੁੱਤੀਆਂ ਸਿੱਧੀਆਂ ਕਰਨਾ, ਮੁਹਾਵਰਾ : ੧.ਕਮੀਨਾਂ ਦਾ ਕੰਮ ਕਰਨਾ; ੨. ਖ਼ਸ਼ਾਮਦ ਕਰਨਾ
–ਜੁੱਤੀ ਖੜਕਣਾ, ਮੁਹਾਵਰਾ : ਜੁੱਤੀਆਂ ਨਾਲ ਮਾਰ ਕੁਟਾਈ ਹੋਵੇ
–ਜੁੱਤੀਆਂ ਖਾਣਾ, ਮੁਹਾਵਰਾ : ਨਿਰਾਦਰੀ ਕਰਾਉਣਾ, ਬੇਇੱਜ਼ਤੀ ਕਰਵਾਉਣਾ
–ਜੁੱਤੀਆਂ ਚਟਖਾਉਂਦੇ ਫਿਰਨਾ, ਮੁਹਾਵਰਾ : ਆਵਾਰਾ ਫਿਰਨਾ
–ਜੁੱਤੀਆਂ ਚੱਲਣਾ, ਮੁਹਵਾਰਾ : ਲੜਾਈ ਵਿੱਚ ਇੱਕ-ਦੂਜੇ ਨੂੰ ਜੁੱਤੀਆਂ ਪੈਣੀਆਂ
–ਜੁੱਤੀਆਂ ਜੜਨਾ, ਮੁਹਾਵਰਾ : ਜੁੱਤੀਆਂ ਮਾਰਨਾ
–ਜੁੱਤੀਆਂ ਟੁੱਟ ਜਾਣਾ,ਮੁਹਾਵਰਾ : ਕਿਸੇ ਕੰਮ ਲਈ ਬਹੁਤ ਫਿਰਨਾ ਜਾਂ ਖੁਆਰੀ ਸਹਿਣਾ
–ਜੁੱਤੀਆਂ ਤੁੜਾਉਣਾ, ਮੁਹਾਵਰਾ : ਬੇਫ਼ਾਇਦਾ ਕੋਸ਼ਸ਼ ਕਰਨਾ, ਬੇਫ਼ਾਇਦਾ ਭੱਜੇ ਫਿਰਨਾ
–ਜੁੱਤੀਆਂ ਦਾ ਸਦਕਾ, ਪੁਲਿੰਗ : ਅਹਿਸਾਨ ਮੰਨਣ ਦਾ ਪਰਗਟਾ
–ਜੁੱਤੀਆਂ ਮੜਕਾਉਂਦੇ ਫਿਰਨਾ, ਮੁਹਾਵਰਾ : ੧.ਆਵਾਰਾ ਫਿਰਨਾ; ੨. ਬੇਫ਼ਾਇਦਾ ਕੋਸ਼ਸ਼ ਕਰਦੇ ਫਿਰਨਾ, ਮਾਰੇ ਮਾਰੇ ਫਿਰਨਾ
–ਜੁੱਤੀਆਂ ਮਾਰਨਾ, ਮੁਹਾਵਰਾ : ਸ਼ਰਮਿੰਦਾ ਕਰਨਾ, ਝਾੜ ਪਾਉਣਾ, ਝਿੜਕਣਾ
–ਜੁੱਤੀਆਂ ਲਾਉਣਾ, ਮੁਹਾਵਰਾ : ਝਾੜ ਪਾਉਣਾ, ਸ਼ਰਮਿੰਦਾ ਕਰਨਾ
–ਜੁੱਤੀਆਂ ਵਰ੍ਹਨਾ, ਮੁਹਵਾਰਾ : ਜੁੱਤੀਆਂ ਦੀ ਮਾਰ ਪੈਣਾ
–ਜੁੱਤੀਏਂ ਦਾਲ ਵੰਡਣਾ, ਮੁਹਾਵਰਾ : ਆਪਸ ਵਿੱਚ ਫੁੱਟ ਪੈ ਜਾਣਾ, ਲੜਾਈ ਝਗੜਾ ਹੋ ਜਾਣਾ
–ਜੁੱਤੀ ਹੇਠ ਰੱਖਣਾ, ਮੁਹਾਵਰਾ : ਹਮੇਸ਼ਾ ਦਬਾਉ ਹੇਠ ਰੱਖਣਾ,(ਭਾਈ ਬਿਸ਼ਨਦਾਸ ਪੁਰੀ) ਆਪਣੇ ਵਸ ਵਿੱਚ ਰੱਖਣਾ
–ਜੁੱਤੀ ਖੌਂਸੜਾ ਹੋਣਾ, ਮੁਹਾਵਰਾ : ਆਪਸ ਵਿੱਚ ਜੁੱਤੀਆਂ ਨਾਲ ਲੜਨਾ, ਝਗੜਾ ਹੋਣਾ, ਜੁੱਤਮ ਜੁੱਤੀ ਹੋਣਾ
–ਜੁੱਤੀ-ਚੁਕ, ਵਿਸ਼ੇਸ਼ਣ \ ਪੁਲਿੰਗ : ਜੁੱਤੀ ਚੋਰ
–ਜੁੱਤੀ ਚੋਰ, ਪੁਲਿੰਗ : ੧.ਜੁੱਤੀਆਂ ਚੁੱਕਣ ਜਾਂ ਚੁਰਾਉਣ ਵਾਲਾ; ੨. ਬੇਇਤਬਾਰਾ ਬੰਦਾ
–ਜੁੱਤੀ ਤੇ ਜੁੱਤੀ ਚੜ੍ਹਨਾ, ਮੁਹਾਵਰਾ : ਕਈ ਵਾਰ ਜੁੱਤੀ ਲਾਹੁਣ ਤੇ ਜੁੱਤੀ ਦਾ ਇੱਕ ਪੈਰ ਦੂਜੇ ਉੱਤੇ ਚੜ੍ਹ ਜਾਂਦਾ ਹੈ, ਅਜਿਹਾ ਹੋਣਾ ਸਫ਼ਰ ਪੈਣ ਦੀ ਨਿਸ਼ਾਨੀ ਸਮਝਿਆ ਜਾਂਦਾ ਹੈ
–ਜੁੱਤੀ ਤੋਂ ਮਾਰਨਾ, ਮੁਹਾਵਰਾ : ਪਰਵਾਹ ਨਾ ਕਰਨਾ
–ਜੁੱਤੀ ਤੋਂ ਵਾਰਨਾ, ਮੁਹਾਵਰਾ : ਨੁਕਸਾਨ ਜਾਂ ਖਰਚ ਨੂੰ ਖਿੜੇ ਮੱਥੇ ਪਰਵਾਨ ਕਰ ਲੈਣਾ
–ਜੁੱਤੀ ਦਾ ਯਾਰ,ਪੁਲਿੰਗ : ਜੁੱਤੀਆਂ ਖਾ ਕੇ ਕੰਮ ਕਰਨ ਵਾਲਾ ਬੰਦਾ
–ਜੁੱਤੀ ਦੀ ਨੋਕ ਤੋਂ ਦੀ ਮਾਰਨਾ (ਵਾਰਨਾ), ਮੁਹਾਵਰਾ : ਜ਼ਲੀਲ ਸਮਝਣਾ, ਨਾਚੀਜ਼ ਸਮਝਣਾ
–ਜੁੱਤੀ ਪੌਲਾ ਹੋਣਾ, ਮੁਹਾਵਰਾ : ਜੁੱਤੀਆਂ ਨਾਲ ਲੜਾਈ ਕਰਨਾ, ਮਾਰ ਕੁਟਾਈ ਕਰਨਾ, ਜੁੱਤਮ-ਜੁੱਤੀ ਹੋਣਾ
(ਭਾਈ ਬਿਸ਼ਨ ਦਾਸ ਪੁਰੀ)
–ਕਸੂਰੀ ਜੁੱਤੀ, ਇਸਤਰੀ ਲਿੰਗ : ਉੱਚੀ ਅੱਡੀ ਤੇ ਫੀਨ੍ਹੇ ਪੰਜੇ ਦੀ ਜੁੱਤੀ
–ਕਢਵੀਂ ਜੁੱਤੀ, ਇਸਤਰੀ ਲਿੰਗ : ਉਹ ਦੇਸੀ ਜੁੱਤੀ ਜਿਸ ਤੇ ਤਿੱਲਾ ਦਾ ਕੰਮ ਹੋਇਆ ਹੋਵੇ
–ਖੱਲ ਦੀ ਜੁੱਤੀ, ਇਸਤਰੀ ਲਿੰਗ : ਲਾਲ ਨਰੀ ਦੀ ਜੁੱਤੀ
–ਚਾਂਦੀ ਦੀ ਜੁੱਤੀ ਮਾਰਨਾ, ਮੁਹਵਾਰਾ : ੧.ਵੱਢੀ ਦੇਣਾ; ੨. ਮੁੱਲ ਦੇ ਕੇ ਕੋਈ ਚੀਜ਼ ਲੈਣਾ
–ਜਾਣੇ ਮੇਰੀ ਜੁੱਤੀ, ਅਵਯ : ਕੁਝ ਪਰਵਾਹ ਨਾ ਕਰਨਾ
–ਦੁਖੱਲੀ ਜੁੱਤੀ, ਇਸਤਰੀ ਲਿੰਗ : ਨਰਮ ਬੱਕਰੇ ਦੀ ਖੱਲ ਦੀ ਜੁੱਤੀ ਜਿਸ ਦੇ ਅੰਦਰ ਬਾਹਰ ਨਰੀ ਲੱਗੀ ਹੁੰਦੀ ਹੈ
–ਦੇਸੀ ਜੁੱਤੀ, ਇਸਤਰੀ ਲਿੰਗ :ਇੱਕ ਤਰ੍ਹਾਂ ਦੀ ਹਲਕੀ ਜੁੱਤੀ ਜਿਸ ਦਾ ਸੱਜੇ ਖੱਬੇ ਪੈਰ ਦਾ ਫ਼ਰਕ ਨਹੀਂ ਹੁੰਦਾ
–ਧੌੜੀ ਦੀ ਜੁੱਤੀ, ਇਸਤਰੀ ਲਿੰਗ : ਮੱਝ ਦੇ ਚੰਮ ਦੀ ਮੋਟੀ ਜੁੱਤੀ
–ਨਰੀ ਦੀ ਜੁੱਤੀ, ਇਸਤਰੀ ਲਿੰਗ : ਬੱਕਰੇ ਦੀ ਖੱਲ ਦੀ ਲਾਲ ਰੰਗ ਦੀ ਜੁੱਤੀ
–ਪੈਰਾਂ ਦੀ ਜੁੱਤੀ, ਇਸਤਰੀ ਲਿੰਗ : ਵਹੁਟੀ (ਨਿੰਦਾ ਵਾਚਕ)
–ਪੋਠੋਹਾਰੀ ਜੁੱਤੀ, ਇਸਤਰੀ ਲਿੰਗ : ਉੱਚੀ ਤੇ ਲੰਮੀ ਨੋਕ ਵਾਲੀ ਜੁੱਤੀ
–ਭਿਉਂ ਭਿਉਂ ਜੁੱਤੀਆਂ ਮਾਰਨਾ, ਮੁਹਵਾਰਾ : ਬਹੁਤ ਜ਼ਲੀਲ ਕਰਨਾ, ਬੇਹੱਦ ਸ਼ਰਮਿੰਦਾ ਕਰਨਾ
–ਮੁੰਡੀ ਜੁੱਤੀ, ਇਸਤਰੀ ਲਿੰਗ : ਬਿਨਾਂ ਨੋਕ ਵਾਲੀ ਜੁੱਤੀ
ਲੇਖਕ : ਭਾਸ਼ਾ ਵਿਭਾਗ, ਪੰਜਾਬ,
ਸਰੋਤ : ਪੰਜਾਬੀ ਕੋਸ਼ ਜਿਲਦ ਦੂਜੀ (ਖ ਤੋਂ ਵ), ਹੁਣ ਤੱਕ ਵੇਖਿਆ ਗਿਆ : 26, ਪੰਜਾਬੀ ਪੀਡੀਆ ਤੇ ਪ੍ਰਕਾਸ਼ਤ ਮਿਤੀ : 2024-07-04-10-39-54, ਹਵਾਲੇ/ਟਿੱਪਣੀਆਂ:
ਵਿਚਾਰ / ਸੁਝਾਅ
Please Login First
